प्राविधिक शिक्षा तथा व्यावसायिक तालीम परिषद् (CTEVT) परीक्षा नियन्त्रण कार्यालयले डिप्लोमा तहका सेमेष्टर परीक्षा प्रणालीको नियमित / आंशिक परीक्षाको आवेदन फाराम भर्न सूचना प्रकाशित गरेको छ ।

त्यस परिषद्का आंगिक, साझेदारी, सामुदायिक विद्यालय र निजी स्तरमा संचालित शिक्षालयहरुमा डिप्लोमा इन इन्जिनियरिङ्ग, फुड एण्ड डेरी टेक्नोलोजी, सूचना प्रविधि, होटल म्यानेजमेण्ट, एग्रिकल्चर ( प्लान्ट साइन्स र एनिमल साइन्स), इन्टरप्रेनरशिप डेभलपमेण्ट तथा सोसियल वर्क्स कार्यक्रम प्रथम बर्ष प्रथम खण्ड नियमित / आंशिक परीक्षा २०८० वैशाख महिनामा संचालन हुने जानकारी गराउँदै परीक्षार्थीहरुले परीक्षा आवेदन फाराम भरी बुझाउनका लागि सूचना प्रकाशित गरेको हो ।

२०७९/१२/२२ गते बुधबार भित्र नियमित शुल्क र २०७९/१२/२९ गते बुधबार भित्र विलम्ब शुल्कको म्याद तोकिएको हुँदा सम्बन्धित शिक्षालयहरुले अनिवार्य रुपमा विद्यार्थीहरुबाट परीक्षा आवेदन फाराम भराउनु हुन सूचना प्रकाशित गरेको छ ।