हिमालय फ्रेण्ड्स इ.भि. जर्मनीको आर्थिक सहयोगमा शितला मााध्यमिक विद्यालयका ७५ जना गरिब तथा जेहेन्दार विद्यार्थीहरुलाई विद्यालय पोसाक तथा स्टेशनरी सामान भाद्र १५ गते शनिवार एक कार्यक्रमका वीच वितरण गरेको छ ।
काठमाडौं महानगरपालिका वडा नं. १६ का वडासदस्य तथा विद्यालय व्यवस्थापन समितिका अध्यक्ष शारदा सुवेदीको अध्यक्षतामा भएको कार्यक्रममा हिमालय फ्रेण्ड्सका अध्यक्ष मार्गिट इगम्यानले पठाएका सामग्रीहरु नेपाल प्रतिनिधी प्रसान्तराज रेग्मीको प्रमुख आतिथ्यमा विवतरण गरिएको थियो ।
विद्यालयका प्रधानाध्यापक लक्ष्मण श्रेष्ठले सहयोगी हातहरुलाई धन्यवाद दिदै गरिब तथा जेहेन्दार विद्यार्थीहरुका लागि आगामी वर्षहरुमा पनि नियमित रुपमा सामग्रीहरु वितरण गरिने बताए । उनले हिमालय फ्रेण्ड्स सँगको सहयकार्यका लागि गरेको प्रयासका लागि प्राथमिक तह इन्चार्ज देवुकुमारी शर्मालाई बधाई र शुभकामना दिए ।
कार्यक्रममा उपस्थित स्थानीय अभिभावक अर्जुन नेपालीले पछिल्लो सयममा विविध अतिरिक्त कृयाकलाप, शिक्षामा सीप, बुक फ्रि फ्राइडे, गरीब विद्यार्थी सहायता कार्यक्रम लगायकका विविध आकर्षक गतिविधिका कारण विद्यालयको नाम फैलिएको बताए । उनले विद्यालयले शैक्षिक उपलव्धी प्रगती सँगसगै पारदर्शी तरिकाले काम गरेर अभिभावकहरुको मन जितेको बताए ।
कार्यक्रममा विद्यालय व्यवस्थापन समिति, शिक्षक अभिभावकसंघ, शिक्षक कर्मचारीहरु, विद्यार्थीहरु तथा अभिभावकहरुको उल्लेखनिय उपस्थिति रहेको थियो ।
