त्रिभुवन विश्वविद्यालय परीक्षा नियन्त्रण कार्यालय, बल्खुले ५० औँ दीक्षान्त समारोहका लागि आवेदन माग गरेको छ ।
२०८० असार १ गतेदेखि २०८१ जेठ ३२ गतेसम्म सेमेष्टर तथा वार्षिक परीक्षण प्रणाली अनुसार स्नातक, स्नातकोत्तर तथा एमफिल तह उत्तीर्ण गरी ट्रान्सक्रिप्ट लिएका विद्यार्थीहरू र सोही अवधि भित्र विद्यावारिधि (पिएचडी) तह पूरा गर्नेहरूलाई फाराम भर्न सक्ने परीक्षा नियन्त्रण कार्यालयले जनाएको छ ।
परीक्षा नियन्त्रण कार्यालयले भदौ २० गतेदेखि असोज २३ गतेसम्म अनलाइनमार्फत आवेदन दिन सकिने व्यवस्था गरेको छ ।
