बागमती प्रदेश सरकार, सामाजिक विकास मन्त्रालय, शिक्षा विकास निर्देशनालय, हेटौंडाले सामुदायिक माध्यमिक विद्यालय/शिक्षालयमा कक्षा ११ वा सो सरहमा अध्ययनरत विद्यार्थीहरूका लागि शैक्षिक छात्रवृत्ति सम्बन्धी सूचना प्रकाशित गरेको छ ।

बागमती प्रदेश सरकारबाट स्वीकृत शैक्षिक छात्रवृत्ति निर्देशिका, २०८० अनुसार सामुदायिक विद्यालय/शिक्षालयमा कक्षा ११ वा सो सरहमा कृषि, भेटरिनरी, सर्भेयर, सिभिल इन्जिनियर वा वन विज्ञान विषयमा पहिलो वर्ष/पहिलो सेमेस्टरमा अध्ययनरत बागमती प्रदेश भित्रका दलित, अल्पसङ्ख्यक, सीमान्तकृत र लोपोन्मुख जातिका तथा आर्थिक रूपले विपन्नका साथै लोकतन्त्र प्राप्तिका आन्दोलनका घाइते परिवारका छात्रछात्राहरूमध्ये बागमती प्रदेशका प्रत्येक स्थानीय तहबाट एक जना छात्र वा छात्रालाई भर्ना शुल्क र शिक्षण शुल्क बापतको रकम छात्रवृत्ति बापत प्रदान गर्ने जनाएको छ ।

विद्यार्थीहरूले सूचना प्रकाशन भएको मितिले ३० दिनभित्र आवश्यक कागजात सहित शैक्षिक छात्रवृत्ति निर्देशिका २०८० को अनुसूची १ को ढाँचामा आफ्नो स्थानीय तहमा निवेदन पेस गर्न सकिनेछ।

छात्रवृत्ति सम्बन्धी विस्तृत विवरण निर्देशनालयको वेबसाइट edd.bagamati.gov.np मा हेर्न सकिनेछ।