ताजा अपडेट

ट्रेन्डिङ

धनगढीले निजी स्रोतका शिक्षकलाई नगर शिक्षक बनाउने

Gyan Khabar

ज्ञानखबर संवाददाता

६ मङ्सिर २०८०, बुधबार
89 पटक हेरिएको
धनगढीले निजी स्रोतका शिक्षकलाई नगर शिक्षक बनाउने

धनगढी उपमहानगरपालिकाले निजी स्रोतमा कार्यरत शिक्षकलाई नगर शिक्षक बनाउने भएको छ । नगर कार्यपालिकाको बैठकले विद्यालयमा निजी स्रोतमा कार्यरत शिक्षकलाई नगर शिक्षक बनाउने निर्णय गरेको हो ।

उपमहानगरपालिकाले विद्यालयमा निजी स्रोतमा राखेका शिक्षकलाई आवश्यकताका आधारमा नगर शिक्षक बनाएर उनीहरूको सेवा, सुविधा उपमहानगरपालिकाबाटै ब्यहोर्ने निर्णय गरेको जनाएको छ ।

निजी शिक्षकको लागि उमेर हद नलाग्ने उपमहानगरपालिकाले जनाएको छ । तर निजी स्रोतबाट पदपूर्ती नभएमा खुल्ला रुपमा प्रतिस्पर्धा गराई योग्य व्यक्ति छनौट गरिने उपमहानगरपालिकाले जनाएको छ ।

धनगढी उपमहानगरपालिकामा हाल एक सय ५९ जना शिक्षक निजी स्रोतमा कार्यरत रहेका छन् ।