सीतापाइलास्थित विल्सन एकेडेमीले शनिबार २९ औँ वार्षिकोत्सव, अविभावक दिवस, पुरस्कार वितरण तथा बाल मेला कार्यक्रम नायक राजेश हमालको प्रमुख आतिथ्यमा शनिबार विद्यालय प्राङ्गणमा सम्पन्न भएको छ ।
कार्यक्रममा बोल्दै हमालले हरेक व्यक्ति मेहिनेत र आफूमाथिको विश्वासले मात्रै व्यक्तिगत जीवनमा अघि बढ्न सक्ने बताए । ‘मिहिनेत र आफूमाथिको विश्वासले मात्रै व्यक्ति जीवनमा अघि बढ्नसक्छ’ हमालले भने । उनले बालबालिकालाई अभिभावकले कुनै पनि विषयमा जबरजस्ती गर्नु ठीक नहुने, तर अभिभावकले नै बच्चालाई सही बाटोमा हिडाउन सक्ने बताए ।
अध्यक्ष ठकुरीले विद्यार्थीलाई शैक्षिक क्रियाकलाप मात्रै होइन, अतिरिक्त क्रियाकलापसहित संस्कारयक्त, जीवनउपयोगी र बहुआयामिक सीप पनि सिकाउनुपर्छ भन्ने उद्देश्य सहित पठनपाठन पठनपाठन भइरहेको जानकारी दिए ।
कार्यक्रममा विद्यालयले विभिन्न १५ विधाका अतिरिक्त क्रियाकलापमा उत्कृष्ट विद्यार्थीहरुलाई पुरस्कृत गरेको थियो । विद्यार्थीहरुलाई विद्यालयका अध्यक्ष अर्जुनसिंह ठकुरीले उत्कृष्ट विद्यार्थीलाई पुरस्कार वितरण गरेका थिए ।
कार्यक्रममा विद्यालयका प्रिन्सिपल पेट्रिक विल्सन, सामाजिक अभियन्ताद्वय मिलन पाण्डे, डा. तारा बहादूर कुंवर, लेखक शैलेन्द्र अधिकारी, नागार्जुन नगपालिकाका – ६ का वडाध्यक्ष देवेनद्रराज लिवि लगायतका अतिथिहरुको उपस्थिति रहेको थियो ।
विद्यालयले सो अवसरमा नायक राजेश हमालसँग विद्यार्थीहरुविच अन्तर्क्रिया गराएको थियो । अन्तर्क्रिया बाल्यकाल र पढाइ केन्द्रित रहेको थियो ।
कार्यक्रममा विद्यालयले विभिन्न १५ विधाका अतिरिक्त क्रियाकलापमा उत्कृष्ट विद्यार्थीहरुलाई विद्यालयका अध्यक्ष ठकुरीले वितरण गरेका थिए । साथै कार्यक्रममा विद्यार्थीहरुले सांस्कृतिक विधा प्रस्तुत गरेको थियो ।
