भक्तपुर नगरपालिका–२ व्यासीस्थित शारदा माध्यमिक विद्यालयमा विज्ञान तथा शैक्षिक सामाग्री प्रदर्शनी सम्पन्न भएको छ ।
विद्यालय व्यवस्थापन समितिका अध्यक्ष दामोदर सुवालले उदघाटन गरेको सो प्रदर्शनी विहान १०:३० देखि साँंझ ४ः०० बजेसम्म भएको थियो ।
प्रदर्शनीमा केवलकारको नमुना, हाइड्रोपावर, एटीएम मेसिन, ख्वपको पहिचानसँग सम्बधित विभिन्न परम्परागत प्रविधि, गणित तथा नेपाली भाषा र व्याकरणसँग सम्बन्धित पाठका प्रयोगात्मक खेल, सामाजिक अध्ययन अन्तर्गत इतिहास, भूगोल, वातावरणसँग सम्बन्धित शैक्षिक सामग्री समावेश गरिएको थियो । प्रदर्शनीमा कक्षा ८ सम्मका विद्यार्थीहरूले सहभागी जनाएका थिए ।
विद्यालयका प्रधानाध्यापक रोशनराज तुइंतुईका अनुसार सुनेर भन्दा हेरेर, प्रयोगात्मक रुपमा गरेर सिकिने भएकोले कार्यक्रम गरिएको बताए । उनले शैक्षिक प्रदर्शनीमा ७६ वटा स्थल रहेको जानकारी दिए ।
