सरकारले रामराजा सिंह स्वास्थ्य विज्ञान प्रतिष्ठानको पूर्वाधार तयारी विकास समितिको अध्यक्षमा प्रा. डा. पशुपति चौधरीलाई नियुक्त गरेको छ । मन्त्रिपरिषदको बिहीवार बसेको बैठकले डा. चौधरीलाई अध्यक्षमा नियुक्त गरेको हो ।
डा.चौधरी हाड जोर्नी शल्य चिकित्सक हुन । उनी बीपी कोइराला स्वास्थ्य विज्ञान प्रतिष्ठान धरानका प्राध्यापक, हाड जोर्नी विभागका पूर्व विभागीय प्रमुख, पूर्व कार्यकारिणी सदस्य एवं अस्पताल निर्देशक समेत हुन ।
सरकारले समितिको सदस्यमा विरेन्द्र प्रसाद यादवलाई समेत नियुक्त गरेको छ । साथै बीपी कोइराला स्वास्थ्य प्रतिष्ठानको सदस्य पदमा ज्ञानेन्द्र मान सिंह कार्कीलाई मनोनयन गर्ने निर्णय भएको छ ।
