माध्यमिक शिक्षा परीक्षा (एसइई) उत्तीर्ण भएपछि कहाँ र के पढ्ने भन्ने विषयमा धेरै विद्यार्थीमा अन्योलता रहेको देखिन्छ । एसइई पछिको शिक्षा उच्च शिक्षा अध्ययनको मात्रै नभएर जीवनको आधार तयार पार्ने शिक्षा र महत्त्वपूर्ण समय हो ।
एसइई उत्तीर्ण गरेपछि विद्यार्थीका लागि अनेक ढोकाहरू खुल्छन् । तिमध्ये आफूलाई उपयुक्त ढोका छान्न नसकिएको अवस्थामा जीवन गलत मार्गतर्फ डोहोरिने खतरा हुन्छ । त्यसैले एसईई पछि पढ्ने विषय र कलेजको छनोट गर्नुअघि आफ्नो लक्ष्य तथा उद्देश्य निश्चित गर्नुपर्छ ।
कलेजको छनोट गर्दा विभिन्न कलेजहरूको तुलनात्मक अध्ययन गरी कुन कलेजमा बढी प्राक्टिकल हुन्छ ? कलेजबाट उत्पादित विद्यार्थीहरू कस्ता छन् ? कलेज समय तपाईंको अनुकूल छ कि छैन ? शिक्षकशिक्षिका कति उत्कृष्ट छन् ? भौतिक संरचना कस्तो छ ? प्रयोगात्मक परियोजना कार्य गर्ने अवसर कतिको मिल्छ ? जस्ता कुराहरू खोज्नुपर्छ । यसो गर्दा आफूलाई कलेजको वातावरणमा सहजै घुलमिल गराएर आफ्नो उद्देश्य अनुरूपको शिक्षा हासिल गर्न सकिन्छ ।
प्लस टु विज्ञान, व्यवस्थापन तथा कानूनमा यस्तो अवसर खोज्ने विद्यार्थीहरूका लागि भक्तपुरको नयाँ थिमीमा रहेको सुन्दर र शान्त शैक्षिक वातावरणमा अध्ययन अध्यापन हुने मिडभ्याली कलेज उपयुक्त विकल्प हुनसक्छ ।
‘ग्राण्ड टपर्स छात्रवृत्ति कार्यक्रम’
एसइई उत्तीर्ण भएका विद्यार्थीलाई लक्षित गरेर मिड भ्याली कलेजले ‘ग्राण्ड टपर्स छात्रवृत्ति कार्यक्रम’ ल्याएको छ । जसअन्तर्गत कलेजले ७७ वटै जिल्लाका उत्कृष्ट विद्यार्थीलाई छात्रवृत्ति प्रदान गर्ने घोषणा गरिएकाे छ ।
कलेजले माध्यमिक शिक्षा परीक्षा (एसइई) मा प्रत्येक जिल्लाका उत्कृष्ट (टपर) १ जना छात्र र १ जना छात्रालाई पूर्ण छात्रवृत्ति दिने घोषणा गरेको कलेज सञ्चालक समितिका अध्यक्ष जाेन श्रेष्ठले बताए ।
त्यस्तै, ग्राण्ड टपर्स छात्रवृत्ति कार्यक्रम अन्तर्गत प्रत्येक प्रदेशबाट १ जना छात्र र १ जना छात्रा तथा सम्पूर्ण स्थानीय तहबाट १–१ जना छात्र र छात्रालाई पूर्ण छात्रवृत्ति प्रदान गर्ने अध्यक्ष श्रेष्ठकाे भनाइ छ ।
