बालबालिका भित्रको अन्तर्निहित प्रतिभालाई प्रस्फुटन गराउने उद्देश्यले विनायक शिक्षा निकेतन इङ्लिस स्कुलले भाद्र २ गते आइतबार ८ देखि १० सम्मका विद्यार्थीहरु बिच “वैदेशिक रोजगारले देश बिकास हुन्छ” शिर्षकमा वादविवाद प्रतियोगिता सम्पन्न गरेको छ ।
उक्त प्रतियोगिता ८,९ र १० कक्षाका बिद्यार्थी बिच भएको थियो।वादविवाद प्रतियोगितामा १६ वक्ताहरुले आ-आफ्ना बिचार प्रस्तुत गरे । निकै उत्साहजनक रुपमा उक्त वादविवाद प्रतियोगितामा कक्षा ९ का कृषा प्रजापती प्रथम, अमृता गोले द्वितीय र प्रतीक दुङ्गेल तृतीय भएका थिए ।
वादविवाद प्रतियोगितामा बिद्यालयका सहायक प्रिन्सिपल प्रेम निरौलाले वादविवादको महत्व तथा यसले पढाइमा पुग्ने सहयोग तथा वादविवादले विद्यार्थीहरु तार्किक बनाउने बिचार राखे ।
साथै बिद्यालयका माध्यमिक तह संयोजक शैलेन्द्र कुमार भट्टराईज्युले विद्यार्थी जहिले पनि सृजनशील हुनुपर्ने, सृजनशील बिद्यार्थी नै जीवनमा सफल हुने बताउँदै र बिजेता भाइबहिनीहरुलाई पुरस्कृत गर ।
कार्यक्रमलाई संचालन गर्ने कक्षा १० का छात्राहरु अमृता गोले तथा नेहा श्रेष्ठले यस्ता कार्यक्रमले बिद्यार्थीहरु सृजनशील हुने र तर्क बितर्क र खन्डन मण्डन गर्ने क्षमतामा अभिबृद्धी हुने भएकाले पढाइमात्र होइन वास्तविक जीवनमा समेत धेरै मद्दत पुग्ने भएकाले यस्तो कार्यक्रम निरन्तर गरिरहने बिनायक शिक्षालाई कृतज्ञता ज्ञापन गरेका थिए ।
