शारदा माध्यामिक विद्यालय, भक्तपुरको आयोजनामा फुटसल प्रतियोगिता सम्पन्न भएको छ ।
विद्यालयको वार्षिक कार्यतालिका अनुसार फुटसल हल, सुन्दर बस्ती, सूर्य विनायकमा फुटसल प्रतियोगिता कक्षा ९ देखि कक्षा १२ सम्मका विद्यार्थीबीच भएकाे हो ।
विद्यार्थीहरुमा खेलको माध्यमबाट मित्रता, एकता, आत्मीयता र अनुशासनको विकास गराउन एवम् विद्यार्थीहरुमा खेलसँग सम्बन्धीत सीपहरुको विकास गराउन खेलको आयोजना गरिएको हो ।
कक्षा ९ देखि कक्षा १२ सम्मका विद्यार्थीहरुलाई A, B, C र D गरी चारवटा समूहमा विभाजन गरेर प्रत्येक समूहलाई ३ वटा खेल खेलाएको र सबै समूहका सम्पूर्ण खेलहरूको अन्त सम्ममा सर्वाधिक अंक(एक खेल जितेमा ३ अङ्क) प्राप्त गर्ने समूहलाई विजेता घोषणा गरिएको थियो ।
खेलमा कक्षा ९ समूह A का विद्यार्थी विजय मोक्तानले सर्वाधिक १० गोल गरेका थिए।
समूह A अन्तर्गतको कक्षा ९ का विद्यार्थी खेलाडीहरुले ३ वटा खेल जितेर ९ अङ्कका साथ प्रथम भए भने समूह C अन्तर्गतका कक्षा ११ का विद्यार्थी खेलाडीहरु दोश्रो भएका थिए ।
भूतपूर्व विद्यार्थी युवराज खत्रीले एम्पेयरको भूमीका निभाएका थिए । बिजय हुन सफल बिध्यार्थीहरुलाई पछि हुने एक समारोहका बीच पुरस्कार बितरण गरिने कुरा बिद्यालयका प्रधानाध्यापक रोशन राज तुइतुईले बताउनु भएको छ।
