ताजा अपडेट

ट्रेन्डिङ

चिकित्सा शिक्षा स्नातकोत्तर तहको प्रवेश परीक्षा माघ २० देखि

Gyan Khabar

ज्ञानखबर संवाददाता

३ मङ्सिर २०८०, आईतबार
54 पटक हेरिएको
चिकित्सा शिक्षा स्नातकोत्तर तहको प्रवेश परीक्षा माघ २० देखि

चिकित्सा शिक्षा आयोगले स्नातकोत्तर तह (MECEE-PG 2024) को एकीकृत प्रवेश परीक्षा आगामी माघ २० देखि सुरु गर्ने भएको छ । आयोगका कार्यकारी उपाध्यक्ष प्रा.डा. अञ्जनीकुमार झाले स्नातकोत्तर तहको प्रवेश परीक्षा माघ २० देखि २२ गतेसम्म सञ्चालन हुने जानकारी दिए ।

उपाध्यक्ष झाका अनुसार एमडी, एमएस र एमएसी नर्सिङ, एमएसी मिडवाइफ्री नर्सिङ र एमडी आयुर्वेदाको परीक्षा माघ २० गते सम्पन्न हुनेछ । साथै जनस्वास्थ्य स्नातकोत्तर तह र एमफिल एन्ड क्लिनिकल फिजियोलोजीको प्रवेश परीक्षा माघ २१ गते सम्पन्न हुने छ भने स्नातकोत्तर डेन्टल सर्जरी तह, स्नातकोत्तर फार्मेसी, एमएसी बायोकेमेस्ट्री र स्नातकोत्तर फिजियोथेरापी तहको परीक्षा मङ्सिर २२ गते हुने बताइएको छ ।

डा. झाले आयोगले लिने प्रवेश परीक्षाका लागि मङ्सिर ६ देखि पुस ६ गतेसम्म अनलाइन आवेदन दिनुपर्ने बताए ।