सुर्यबिनायक नगरपालिका वडा नम्बर ५, सल्लाघारी, भक्तपुर स्थित सेन्ट जोन्स स्कुलको ४० औं वार्षिकोत्सव, अभिभावक दिवस, पुरस्कार बितरण तथा शिक्षक सम्मान समारोह सम्पन्न भएको छ।
विद्यालय ब्यवस्थापन समितिका अध्यक्ष अर्जुन सिह रावलको अध्यक्षता भएको सो कार्यक्रमका प्रमुख अतिथि नेशनल प्याब्सन भक्तपुरका अध्यक्ष संजय खड्काले विद्यार्थीको सर्वाङ्गिण बिकासका लागि विद्यालय र अभिभावकको समेत उत्तिकै जिम्मेवारी हुने कुरामा जोड दिए । अतिथि खड्काले अभिभावकहरुले विद्यालय परिवर्तन गरिराख्नु नहुने तर विद्यालयमा भएका कमिकमजोरी छन् भने विद्यालयमा आइ सुझाव दिनु पर्ने कुरामा जोड दिए ।
कार्यक्रमका अतिथि इप्सन र प्याव्सन भक्तपुरका सचिव बिजय कर्माचार्यले बिद्यालय र अभिभावकको सहकार्यमा जोड दिए । अतिथिहरु नेसनल प्याव्सन भक्तपुरका कोषाध्यक्ष विक्रम थापा र अभिभावक एवं सोही बिद्यालयका पुर्व विद्यार्थी डा. बिकासराज थापाले समेत विभिन्न बिधामा उत्कृष्ट विद्यार्थीहरु तथा शिक्षक कर्मचारीहरुलाइ पुरस्कार बितरण तथा सम्मान गरिएको थियो ।
विद्यालयका प्रिन्सिपल देव दत्त भट्टले सम्पुर्ण आगन्तुकहरुलाई धन्यवाद दिदै विद्यालयले हाल सुविधा सम्पन्न विद्यालयको भौतिक संरचना तयारी गरि सकेको अवस्थामा सुविधा एवं गुणस्तर शिक्षाको लागि टाढा जानु नपर्ने भन्दै सेम्ट जोन्स स्कुलले आगामी दिनमा समेत विद्यार्थीहरुको समग्र बिकासका लागि अझै कटिबद्ध र ब्यवस्थित भएर उत्कृष्टता तर्फ बढिरहने प्रतिबद्धता ब्यक्त गरेका थिए ।
