चितवनको इच्छाकामना गाउँपालिकाले उच्च शिक्षा अध्ययन गर्ने विद्यार्थीहरुलाई छात्रवृति वितरण गरेको छ । गाउँपालिले आर्थिक बर्ष २०८०/८१ निति तथा कार्यक्रम अन्तरगत उच्च शिक्षा अध्ययन गर्ने विपन्न विद्यार्थीहरुलाई शैक्षिक सहायता छात्रवृति वितरण गरेको हो ।
गाउँपालिका शिक्षा शाखाका प्राविधिक सहायक राजेन्द्र बहादुर रोकायका अनुसार ३३ जनालाई रु १ लाख ३८ हजार ५०० रुपैयाँ छात्रावृति वितरण गरिएको हो । उनले जनही दुई हजार देखि १० हजार सम्म छात्रवृति वितरण गरिएको बताए।
यस आर्थिक बर्षमा रु ५ लाख छात्रवृति वितरण गरिने गाउँपालिका अध्यक्ष दान बहादुर गुरुङले बताए । प्राविधिक धारका शिक्षा अध्ययन गर्ने विपन्न विद्यार्थीहरुलाई प्राथमिकतामा राखिएको गाउँपालिकाले जनाएको छ ।
