भक्तपुर जिल्लामा 4S Educators आबद्ध विनायक शिक्षा निकेतन स्कुल, क्रिएटिभ लनर्स एकेडेमी, एडभान्स्ड एकेडेमी स्कुल, माउन्ट भ्यू ईङ्ग्लिस बाेर्डिङ् स्कुल र इस्ट पोइन्ट एकेडेमीका शिक्षकहरुलाई काठमाडौँ युनिभर्सिटीको प्राविधिक सहयोगमा सञ्चालन हुने एकवर्षे शिक्षक तालिमको काठमाडौँ युनिभर्सिटी स्कुल अफ डिन प्रोफेसर डाक्टर हेमराज काफ्लेले एक समारोह बीच आज असोज १ गते दिन माउन्ट भ्यु इङ्लिस बोर्डिङ स्कुल बालकोटमा उद्घाटन गरेको हो ।

उद्घाटनमा प्राध्यापक डा. काफ्लेले विश्वविद्यालयले समुदायसँग सहकार्य गर्ने उद्देश्य अनुसार विभिन्न विद्यालय तथा कलेजहरूसँग मिलेर विभिन्न तालिमहरु सञ्चालन गरिँदै आएको जानकारी गराए । साथै उनले राम्रो शिक्षाको लागि राम्रो शिक्षकको आवश्यक भएकोले विश्वविद्यालयले शिक्षकहरूको पेशागत विकासका लागि धेरै कार्यक्रमहरु सञ्चालन गरिरहेको कुरा बताए ।

कार्यक्रममा विनायक शिक्षा निकेतन स्कुलका प्राचार्य सुरेन्द्र विक्रम प्रजापतिले स्वागत मन्तव्य दिएका थिए । काठमाडौँ विश्वविद्यालयबाट प्रशिक्षकहरू र 4S एजुकेटर्ससँग आबद्ध रहेका विद्यालयका प्राचार्यहरु रमेश चन्द्र श्रेष्ठ, मिना महर्जन, कृष्ण हरी घवा श्रेष्ठ, सोम कृष्ण प्रजापतिको उपस्थित रहेको थियो । तालिममा १०० भन्दा बढी शिक्षकहरूको सहभागिता रहेको थियो।