रुपन्देहीको भैरहवा स्थित श्री साई ग्लोवल विद्यालयमा कक्षा ९ मा अध्ययनरत विद्यार्थीले कक्षा १० का विद्यार्थीहरुलाई विदाई तथा शुभकामना आदानप्रदान कार्यक्रम सम्पन्न भएको छ ।
महिमा शाहीको अध्यक्षतामा भएको उक्त कार्यक्रममा स्कुलको संचालक समिति ध्यान श्री हरि बहादुर थापा विशिष्ट अतिथि र प्रवन्ध निर्देशक र प्रधानध्यापक मेति प्रसाद गौतमको उपस्थिति रहेको थियो।
उक्त कार्यक्रममा विशिष्ट अतिथि हरि ब. थापा, प्राचार्य कौशल राज गौतम, सह प्राचार्य विष्णु प्रसाद पाण्डेले शुभकामना व्यक्त गर्नुभएको थियो । कार्यक्रममा विद्यार्थीहरुले गीत तथा नृत्यका प्रस्तुतिहरु प्रदर्शन गरेका थिए ।
कार्यक्रम सञ्चालन कक्षा ९ का विद्यार्थीहरु एलिजा घिमिरे र जावेद खानले गरेका थिए।
शैक्षिक क्षेत्रमा अब्बल स्थानमा रहँदै आएको यस साई ग्लोबल माध्यमिक विद्यालयले कक्षा ११ र १२ मा विज्ञान र व्यवस्थापन सङ्कायमा बिहानी र दिवा कक्षाहरू सञ्चालन गर्दै आएको छ ।
सीमित विद्यार्थीहरूमध्येबाट पनि विभिन्न क्षेत्रमा (Medical, Engineering, Nursing) निःशुल्क पूर्ण तथा आंशिक छात्रवृत्तिमा नाम निकाल्न सफल भएका छन् । साथै देश विदेशमा विभिन्न सरकारी तथा गैरसरकारी संस्था तथा कार्यालयमा सफलतापूर्वक कार्य सम्पादन गरी उच्च ओहदामा रहन सफल भएका छन् ।
शान्त वातावरण, अनुभवी तथा दक्ष प्राध्यापकहरुद्वारा अध्यापन गराइने यस संस्थामा नेपालकै उत्कृष्ट Clean Panel Modular Science Lab रहेको छ ।
