भक्तपुरको मिवाछें व्यासीस्थित एभरेष्ट स्कुलमा तीनदिने थिम सेलिब्रेशन २०८० सम्पन्न भएको छ ।
सो कार्यक्रममा ससाना नानीहरुलाई मोवाइल नभइ समय दिन सहभागीहरुले जोड दिएका थिए । अभिभावकहरुले फुर्सद् नभएको भन्दै ससाना बालबालिकाहरुलाई मोवाइल दिंदा बालबालिका सामाजिक हुन नसकेको उनीहरुको भनाई छ ।
थिम सेलिब्रेशन २०८० मा सहभागीहरुले बालबालिकाहरुलाई अभिभाबकहरुले समय दिनु अत्यन्त जरुरी रहेको बताए ।
कार्यक्रममा संस्थापक प्रिन्सिपल भक्त राजभण्डारीले समय छैन भने बरु बालबालिकाहरुलाई आमाले खाना पकाउँंदा भान्छामै लगेर भएपनि तरकारी केलाउन, काटन, खाना पकाउन गरेको काम देखाउन आग्रह गरे । उनले मोवाइलको लतले विद्यार्थीमा एकोहोरोपना हुनेलगायतका अनेक समस्या देखिएको अनुभब सुनाए । शिक्षकशिक्षिका तथा तिनका अभिभाबकहरु सहभागी भएको कार्यक्रम तीनदिनसम्म चलेको थियो ।
