मंगल बहुमुखी क्याम्पसमा छैठौँ प्रोजेक्ट मिट मंगलवार भव्य रुपमा सम्पन्न भएको छ । शिक्षाशास्त्र संकाय बि.एड तेस्रो वर्षको स्वास्थ्य तथा शारीरिक शिक्षा अध्ययनरत विद्यार्थीहरुले प्रोजेक्ट मिट आयोजना गरेको हो ।
सहायक क्याम्पस प्रमुख रकी महर्जन र क्याम्पस प्रमुख प्रदिप महर्जनले कार्यक्रम सफलताको लागि शुभकामना दिए । प्रोजेक्ट मिट उद्घाटन गर्दै उनले आधारभूत अनुसन्धान तथा प्रोजेक्ट मिटको आंशिक पाठ्यांश पूरा गर्न प्रयोगात्मक परीक्षाको रुपमा सञ्चालन भएपछि यस्तोशैक्षिक क्रियाकलापले देशमा खेलकुदको विकास भई रहेको बताए ।
प्रोजेक्ट मिटमा पुरुष टेबलटेनिस प्रतियोगिता र महिला तर्फ़ सटपुट इभेन्ट आयोजना गरेको थियो ।
मिटमा पुरुष टेबलटेनिस तर्फ जोन के.सी. प्रथम, नरेश बोहरा द्धितिय र धन बहादुर वि.क. तथा निकेश मानन्धर तृतीय भएका थिए । साथै महिला सटपुटमा अस्मिता कडायत प्रथम, मुना बिष्ट द्वितिय र अम्बिका बोहरा तृतीय भएका थिए ।
विजेतालाई प्रोजेक्ट मिटका प्रमुख अतिथि महेन्द्र-रत्न क्याम्पसका उप प्राध्यापक कोपिल थापाले मेडल र प्रमाणपत्र वितरण गरेका थिए ।
बि.एड तेस्रो वर्षका विद्यार्थी भावना लामाको सभापतित्वमा भएको कार्यक्रम श्याम कडायतले संचालन गरेका थिए भने प्रमिला घिसिङ्गले स्वागत गरेका थिए ।
