सुर्यविनायक नगरपालिका स्थित एजे स्कुलको आयोजना र डा. इवामुरा मेमोरियल अस्पतालको प्राविधिक सहयोगमा शनिबार बृहत निःशुल्क स्वास्थ्य शिविर सम्पन्न भएको छ ।
विद्यालय प्रांगणमा भएको स्वास्थ्य शिविरमा बालरोग विशेषज्ञ डा.राजेन्द्र शिल्पकार, हाडजोर्नी तथा नशारोग विशेषज्ञ डा.मनिष प्रधानाङ्ग, एम.डि.जी.पी. डा. बिनोद दङ्गाल, मेडिकल अफिसर डा.नेन्सी कर्ण लगायतले स्वास्थ्य सेवा उपलब्ध गराएको थियो ।
कार्यक्रममा एजे स्कुलका प्रिन्सिपल कृष्णराम दुवालले डा. इवामुरा मेमोरियल अस्पतालका मेडिकल को-ओर्डिनेटर डा. जितेन्द्र प्रसाद सिं र इमर्जेन्सी शाखा प्रमुख डा. बिनोद दङ्गाललाई विद्यालयको तर्फबाट क्रमशः प्रशंसा पत्र र मायाको चिनो प्रदान गरेका थिए।
स्वास्थ्य शिविरमा करिब २५० जनाभन्दा बढि सेवाग्राहीहरु लाभान्वित भएका थिए ।
