ईटा भट्टामा बसेर र काम गर्दै २०८१ सालको माध्यमिक शिक्षा परीक्षा (एसईई) मा उत्कृष्ट ४.० जीपीए ल्याउन सफल भएकी गोमा श्रेष्ठले भाटभटेनी समूहका अध्यक्ष मीनबहादुर गुरुङबाट जीवन परिवर्तन गर्ने सहयोगको घोषणा पाएकी छिन्। गुरुङले गोमाको एमबीबीएस तहसम्मको अध्ययन खर्च व्यहोर्ने प्रतिबद्धता जनाएका छन्, जसले चुनौतीपूर्ण विगतलाई आशावादी भविष्यमा परिणत गरिदिएको छ।
भक्तपुरको चाँगुनारायण-८ सुडालस्थित महेन्द्र ग्राम माविमा अध्ययनरत गोमाले चाँगुनारायण नगरपालिकामै सर्वोत्कृष्ट विद्यार्थी बन्न सफल भएकी थिइन्।
अध्यक्ष गुरुङ र उनकी श्रीमती सावित्री गुरुङले गोमालाई भाटभटेनीस्थित आफ्नै कार्यालयमा बोलाएर नगद रु. एक लाख, एउटा ल्यापटप र सम्मानपत्रसहित सम्मान गरे।
अध्यक्ष गुरुङले सेन्ट जेभियर्स कलेज माइतीघरमा गोमाको कक्षा ११ र १२ सम्मको पढाइको खर्च व्यहोर्ने प्रतिबद्धता जनाए। उनको अन्तरमध्यमिक शिक्षापछि, गुरुङ दम्पतीले उनको सम्पूर्ण एमबीबीएस डिग्रीको लागि पनि प्रायोजन गर्ने प्रतिबद्धता गरेका छ।
