चिकित्सा शिक्षा आयोगबाट मिति २०७९ फागुन २४ गते लिइएको चिकित्सा शिक्षा स्नातक तह (MECEE-BL 2023) अन्तर्गतको MBBS शैक्षिक कार्यक्रमको एकीकृत प्रवेश परीक्षाको नतिजा प्रकाशित गरेको छ ।

उक्त नतिजा परीक्षार्थीले आफ्नो प्रोफाइलमा समेत हेर्न सकिने व्यवस्था मिलाएको छ । प्रवेश परीक्षाको उत्तर पुस्तिकामा रोल नम्बर र प्रश्नपत्र सेटको बबल नभरेका वा बबल गलत भरेका उम्मेदवारका उत्तरपुस्तिकाहरू रद्द गरेको छ ।

प्रकाशित नतिजाउपर चित्त नबुझी पुनर्योग गर्न चाहने उम्मेदवारहरूले हिमालयन बैक लिमिटेडको चल्ती हिसाब नम्बर ०४३०८९३१६७००१७ मा जम्मा हुने गरी रु.१,०००/- दस्तुर बुझाएको भौचर वा अनलाइन माध्यमबाट रकम बुझाएको प्रमाण संलग्न राखी चिकित्सा शिक्षा एकीकृत प्रवेश परीक्षा तथा विद्यार्थी भर्नासम्बन्धी कार्यविधि, २०७९ को अनुसूची – २ बमोजिमको ढाँचामा मिति २०७२/१२/०८ गते बिहान १०:०० बजेदेखि २०७९ / १२ / १० गते अपरान्ह ५:०० बजेभित्र आयोगको इमेल [email protected] मार्फत निवेदन पेश गर्न सकिनेछ ।