ताल्छिखेल, सातदोबाटोस्थित नेशनल कलेज अफ इन्जिनियरिङमा Machine Learning with Python तालिम सम्पन्न भएको छ ।
कार्यक्रममा प्रमुख अतिथि नेपाल इन्जिनियरिङ परिषद्का अध्यक्ष प्रा.डा. पद्मबहादुर शाहीले व्यावसायिक तालिमले शिक्षालाइ थप सबल बनाउने भन्दै शैक्षीक तथा औद्योगिक सहकार्य आवश्यक रहेको बताए ।
कलेजका प्रिन्सिपल पुरुषोत्तम श्रेष्ठले कलेजमा अध्यापनरत शिक्षकहरुको क्षमता अभिवृद्धि गर्ने उद्देश्य अनुरुप सो तालिम आयोजना गरिएको जानकारी दिए । साथै सो तालिमबाट सिकेको ज्ञानले अध्यापनमा थप टेवा पुग्ने विश्वास व्यक्त गरे ।
व्रोडवे इन्फोसिस र नेशनल कलेज अफ इन्जिनियरिङको संयुक्त आयोजनामा सो तालिम भएको हो । तालिम प्रशिक्षक आयुष अधिकारीले दिएका थिए । भाइस प्रिन्सिपल प्रदिप अधिकारीले संचालन गरेको कार्यक्रममा व्रोडवे इन्फोसिसका उत्तम अधिकारी तथा प्रशिक्षार्थी सर्मिला बिष्टले पनि बोलेका थिए ।
