श्री मण्डली माध्यमिक विद्यालय, तानसेन नगरपालिका -१० तेल्घा, पाल्पामा तुलसी लक्ष्मी खराल स्मृति अक्षयकोषको स्थापना गरेको छ।
पूर्व विद्यार्थी भरतपुर महानगरपालिका वार्ड नं ४ का हिरामणी खरालले आफ्ना मातापिताको स्मृतिमा रू. ५१,१११/- को तुलसी लक्ष्मी खराल स्मृति अक्षयकोषको स्थापना गरेको हो । विद्यालयले आयोजना गरेको एक औपचारिक कार्यक्रममा उनले उक्त रकमको चेक विद्यालयका प्रधानाध्यापक राम बहादुर वि.क.लाई हस्तान्तरण गरेका थिए ।
विद्यालय व्यवस्थापन समितिका अध्यक्ष एवं कार्यक्रमका प्रमुख अतिथि चिन्त बहादुर कार्कीले बाल्यकालीन घटनाको स्मरण गर्नुको साथै विद्यार्थीलाई राम्रोसँग अध्ययन गर्न सुझाव दिए ।
विद्यालयका प्र.अ. राम बहादुर वि.क.ले आफ्नो पाँचौ कृति “किस्ता किस्तामा जिन्दगी” कवितासंग्रह सोही अवसरमा प्रमुख अतिथिलाई उपहारस्वरूप प्रदान गरे । शिक्षक वसन्त कार्कीले कार्यक्रम संचालन गरेका थिए ।
