ताजा अपडेट

ट्रेन्डिङ

हलेसी तुवाचुङ नपाले इन्जिनियरिङ पढ्न छात्रवृत्ति प्रदान

Gyan Khabar

ज्ञानखबर संवाददाता

७ ब‌ैशाख २०८१, शुक्रबार
242 पटक हेरिएको
हलेसी तुवाचुङ नपाले इन्जिनियरिङ पढ्न छात्रवृत्ति प्रदान

खोटाङ जिल्लाको हलेसी तुवाचुङ नगरपालिकाले इन्जिनियरिङ पढ्न दुईजनालाई जनही एक लाख रुपैयाँ प्रदान गरेको छ ।

नगरपालिकाले बिहीबार वडा नं ४ बडहरेका विकेश सिलवाल र वडा नं ६ मंगलटारका हेमन राईलाई उक्त रकमको चेक प्रदान गरेको हो । नगर कार्यपालिकाद्वारा पारित छात्रवृत्ति कार्यक्रमअन्तर्गत पहिलोपटक दुई छात्रलाई प्रोत्साहन रकम उपलब्ध गराइएको नगरप्रमुख विमला राईले जानकारी दिए ।

नगरपालिकाले रोजगारमूलक गुणस्तरीय शिक्षामा जोड दिएको छ, नगरपालिकाभित्रका छात्रछात्रालाई प्राविधिक विषय अध्ययन गर्न प्रोत्साहन रकम उपलब्ध गराउने व्यवस्था कार्यान्वयनमा ल्याएको राईले जानकारी दिए ।  उनले भने, चिकित्साशास्त्र, कृषि तथा पशु विज्ञान, वन तथा वातावरण विज्ञान, इन्जिनियरिङ र सूचना प्रविधिका विषय गरी पाँच विषयमा उच्च शिक्षा अध्ययन गर्नेलाई रकम प्रदान गरिनेछ ।