शिक्षा बिज्ञान तथा प्रबिधि मन्त्रालयद्वारा समकक्षताको प्रमाणपत्रबारे छानबिन गर्न समिति गठन गरेको छ ।
मन्त्रालयका प्रबक्ता सह–सचिब केशबप्रसाद दाहालका अनुसार मन्त्रालय अन्तर्गत पाठ्यक्रम बिकास केन्द्रबाट जारी हुने समकक्षताको प्रमाणपत्र प्रदान गर्दा भएगरेका काम कारबाही सम्बन्धमा र प्रमाणपत्र लिँदा अपनाउनुपर्ने प्रक्रिया, लाग्ने दस्तुरलगायतका बिषयमा छानबिन गर्न सो समिति गठन गरिएको हो ।
शिक्षा तथा मानब स्रोत बिकास केन्द्रका उपमहानिर्देशकको संयोजकत्वमा गठित तीन सदस्यीय समितिलाई सुझाबसहितको प्रतिबेदन पेश गर्न मन्त्रीस्तरीय निर्णयअनुसार ७ दिनको समयसीमा दिएको छ ।
