बिनायक स्काउट ट्रुप, बिनायक शिक्षा निकेतन, मध्यपुर थिमिमा एक समाराेहबीच दिक्षान्त समाराेह सम्पन्न भएकाे छ ।
स्काउटकाे पहिलाे तह, सदस्यता तहपछिकाे सम्पूर्ण काेर्षहरू पूरा भए पश्चात् दाेस्राे तह, बि.पी. पिक ब्याच बितरण गर्दै स्काउटहरू श्री तुल्सीहरि प्रजापति, श्री सानु चक्रधर, यमुना प्रजापति र लक्ष्मी केशरी प्रजापतिले बधाई तथा शुभकामना ब्यक्त गरे ।
बिशिष्ट अतिथिकाे बधाई मन्तव्य राख्दै ईकाई अध्यक्ष सुरेन्द्र बिक्रम प्रजापतिले संस्कारयुक्त शिक्षा आजकाे आवश्यकता भएकाे र त्यसकाे भरपर्दो माध्यम स्काउटिङ्ग शिक्षा भएकाे धारणा व्यक्त गरे ।
कुल ३२ जना स्काउटहरूलाई दिक्षित गरिएकाे उक्त समाराेह नयाँ थप २० जना स्काउटहरूकाे पनि उपस्थिति रहृकाे थियाे । नेपाल स्काउट, स्थानीय स्काउट कार्यालय, मध्यपुर थिमिका प्रमुख आयुक्त समेत रहेका स्काउटर तुल्सीहरि प्रजापतिले चालु शैक्षिक वर्षमै स्काउटहरूलाई छैठाैँ तहसम्म पुर्याउने ट्रुपकाे लक्ष्य रहेकाे बताउँदै सबैलाई नियमित कक्षा र दैनिक १५ मिनेट स्काउटिङ्ग सम्बन्धि थप अध्ययनमा लाग्न अभिप्रेरित गरे ।
